د افغانستان او بنګلهدېش ترمنځ د پنځوس اوريزه لوبو لړۍ چې تېره ورځ پيل شوه، افغان لوبډلې پکې بنګلهدېش ته ماتې ورکړه.
د دغې لوبې ټاس بنګلهدېش وګټه او د توپ وهنې پرېکړه يې وکړه او د خپلو ټولو لوبغاړو په اوټ کېدو يې افغان لوبډلې ته د ۲۲۲ منډو هدف وټاکه.
د افغانستان په ګټه راشد خان او عظمت الله عمرزي درې - درې، الله محمد غضنفر دوه، ننګيال خروټي، يو لوبغاړی اوټ کړ.
افغان لوبډلې په ځوابي توپ وهنه کې ياد هدف د لوبې په ۴۸م اور کې د پنځه ويکټو په زيان سره پوره کړ او لوبه يې وګټله.
د افغان لوبډلې په ګټه رحمن الله ګربز او رحمت شاه پنځوسيزې او عظمت الله عمرزي څلوېښت منډې وکړې.
د دغې لړۍ راتلونکې لوبه به د روانې اکتوبر مياشتې په ۱۱مه نېټه ترسره شي.
