برېښنا شرکت پر اېکسپاڼه لیکلي، د دغه شرکت اجرايه مشر محمد حنيف حمزه او د ميټر جوړولو د یوې چينايي کمپنۍ (شينزين کلو) استازي له لوري د ۲.۷ ميليونه امريکايي ډالرو په ارزښت د يو فاز او درې فاز ميټرونو د جوړېدو تړون لاسليک شوی دی.
د سرچينې په خبره، ياده کمپني به ۱۵۰ زره د برېښنا يو فاز او درې فاز ميټرونه توليدوي چې هېواد ته له راوړو سره سم به د برېښنا په شبکو کې وکارول شي.
یاد شرکت ويلي، له دې قرارد وروسته به د ميټرونو په برخه کې هغه ستونزې حل شي چې پېرودونکي ورسره مخ وو او دغه راز به ميټرونه هم په مناسبه بيه ترلاسه کړي.
سرچينه وايي چې تر دې وړاندې برېښنا شرکت ميټرونه په ازاد بازار کې پلورل او دغه چاره ورته په لوړ قيمت تمامیده چې تر دې وروسته به د قرارداد له مخې ميټرونه ترلاسه کوي.
