د افغانستان د واليبال ملي لوبډله په اسیایي المپيکي سياليو کې د ګډون په موخه د دې هېواد هانګجو ښار ته روانه شوه.
د چين په کوربتوب په اسیایي المپيکي سياليو کې د واليبال سيالۍ د روانې سپټمبر مياشتې په ١٩مه نېټه پيليږي.
افغانستان د دغو سياليو په «ایف» ګروپ کې له جاپان، اندونیزیا او فيلپين هېوادونو سره لوبې لري.
د واليبال ملي فدراسیون د معلوماتو له مخې، د واليبال ملي لوبډلې ته تر دې سياليو وړاندې ١۵ ورځنی تمريناتي کمپ هم ورکړل شوى، چې بشپړ چمتووالی لري.
ټاکل شوې چې د چين په کوربتوب اسیايي المپيکي سيالۍ د سپټمبر میاشتې پر ۲۳مه نېټه پيل شي، چې له افغانستان څخه هم په دې سياليو کې د واليبال په ګډون د ۱۷ ورزشي رشتو تر سلو زيات ورزشکاران ګډون کوي.
