په یونان کې د رومانیا او لوګزامبورګ د ښځینه لوبډلو ترمنځ د شل اوریزې لوبې پر مهال ۱۰۵ وايډ بالونه شوي دي.
په دې لوبه کې د رومانيا لوبډلې ۳۹ او د لوګزامبورګ لوبډلې ۶۶ وايډ بالونه وکړل.
د رومانيا او لوګزامبورک لوبډلو تر منځ په دې شل اوريزه لوبه کې په مجموعي توګه ۱۱۵ اضافي منډې راغلې دي.
رومانيا د درې لوبغاړو په سوځېدو سره لوګزامبورګ ته ۱۳۳ منډې هدف ورکړ، چې په دې منډو کې کې ۴۳ اضافي منډې هم شاملې وې.
د رومانيا لپاره ريبيکا د ۶ څلوريزو پر مټ ۷۳ منډې جوړې کړې.
د لوګزامبورګ لوبډلې ټاکل شوی هدف د ۶۶ وايډونو په مرسته د لوبې په پنځلسم اور کې پوره کړ.
د لوګزامبورک لپاره په توپوهنه کې تر ټولو ډېرې منډې، ۲۵ کيري فراسر جوړې کړي دي.
دا لوبې د یونان د ښځينه کرکټ د اتلولۍ جام په نوم يادېږي، چې د سربيا، لوګزامبورګ، رومانيا، يونان او ځينې نورو هېوادونو په ګډون پيل شوې وې.
د دې لوبو اتلولي د يونان ښځينه لوبډلې وګټله.
