راپور: هدايت الله دانش
د افغانستان کرکټ بورډ د باوري سرچینو د معلوماتو له مخې د افغانستان کرکټ ملي لوبډله د درې اړخیزې لوبلړۍ او آسیاجام سیالیو لپاره په کابل کې له تمریناتي کمپ وروسته سبا سه شنبه د اګسټ په ۱۹مه نېټه متحده عربی اماراتو ته سفر کوي.
په پام کې وه چې دغه سفر یی د اګسټ په ۱۵مه نېټه وشي؛ خو د نامعلومو دلایلو له کبله افغان لوبډله لاهم په کابل کې ده.
د سرچینو د معلوماتو له مخې افغان لوبډله به اماراتو له سفر سم راتلونکو سیالیو ته د لاښه چمتووالي په موخه خپلو تمریناتو ته دوام ورکړي.
یاده دې وي چې د دې سفر په لړ کې به د افغانستان، پاکستان او متحده عربي اماراتو د کرکټ لوبډلو ترمنځ د اګست له ۲۹مې د سپټمبر تر ۷مې نېټې درې اړخیزه لوبلړۍ ترسره او له هغې وروسته به درېواړه لوبډلې د سپټمبر په ۹مه نېټه پیلیدونکي آسیاجام کې برخه واخلي.
