ټاکل شوې چې نن ماښام د هندوستان د کرکټ سوداګریزې سیالۍ IPL د لسو لوبډلو په ګډون پیل شي.
ياد ليګ چې دوه مياشتې به دوام وکړي ۷۴ لوبې. به پهکې ترسره شي.
په دغه ليګ کې د تېرو کلونو په پرتله ډېر افغان لوبغاړي لوبيږي.
عظمت عمرزی، نور احمد، راشد خان د ګجرات لوبډلې، رحمن الله ګربز او مجيب الرحمن د کلکتې لوبډلې، فضل حق فاروقي د حيدراباد لوبډلې نوين الحق د لهکنو لوبډلې او محمد نبي بيا د ممبي اينډينز لوبډلې په ګټه لوبه ترسره کوي.
افغان لوبغاړي په دغه ليګ کې د ګډون په موخه له خپله لوبډلو سره يو ځای شوي دي.
عظمت عمرزی به په لومړي ځل په دغه ليګ کې خپل بخت ازمايي.
