د هند کرکټ ملي لوبډلې توپ وهونکي ويرات کوهلي د ۲۰۲۴ نړۍوال جام له پای لوبې وروسته له شل اوريز کرکټ استعفاء اعلان کړه.
کوهلي د خپلې استعفاء لامل نويو لوبغاړو ته د لوبیدو چانس برابرول ياد کړل.
۳۵ کلن ښي لاسي توپوهونکي او ميډيم فاسټ بالر ويرات کوهلي ۱۲۵ شل اوريزه لوبې وکړې ۴۸.۶۹ اوسط او ۱۳۷ سټرايکريټ سره يې ۴۱۸۸ منډې وکړې.
نوموړي خپله وروستۍ لوبه تېره شپه د سويلي افريقا خلاف ترسره کړه او ۷۶ منډې يې پکې وکړې چې په ۲۰۲۴ نړۍوال جام کې د نوموړي تر ټولو ډیرې منډې وې.
ويرات کوهلي په ۱۹۸۸ ميلادي کال د نومبر په ۵ مه نېټه د هند پلازمینه ډهلي کې وزېږېد او په ۲۰۱۷ ميلادي کال کې يې له هندي فلمي اداکارې انوشکا شرما سره واده وکړ.
ويرات کوهلي په شل اوريزه لوبو کې د کپتان توګه هم دنده ترسره کړې.
نوموړی به له دې وروسته يو ورځنۍ او ټسټ لوبې کوي.
