سرګي لاوروف: له تره.ګرۍ او نشهیي توکو د افغانستان پاکېدل اړین دي
کابل(کوهنور ۲۶ سرطان ۱۴۰۴): د روسیې د بهرنیو چارو وزیر سرګي لاوروف د شانګهای د همکاریو سازمان د بهرنیو چارو وزیرانو د غونډې له پای ته رسېدو وروسته په یوه خبري ناسته کې ویلي، له تره.ګرۍ او د نشهيي توکو له قاچاق څخه د افغانستان پاکېدل د دې هېواد لپاره اړین دي.
نوموړي زیاته کړې چې دغې غونډې چې د چین په تیانجین ښار کې جوړه شوې وه، د سیمې د امنیت پياوړتيا او په ځانګړي ډول بیا د افغانستان د وضعیت په اړه هم بحثونه درلودل.
د روسیې د بهرنیو چارو وزیر وویل، د شانګهای د همکاریو سازمان نږدې ټول غړي هېوادونه هڅه کوي له سرپرست حکومت سره خپلې دوهاړخیزې اړیکې پراخې کړي.
د شانګهای د همکاریو سازمان د بهرنیو چارو وزیرانو غونډه پرون (۲۴ د سرطان) پای ته ورسېده.
نوموري ویلي، دا غونډه د دې سازمان د راتلونکې سرمشریزې لپاره وروستی چمتووالي وه، چې ټاکل شوې د روان کال د اګست په وروستیو یا د سپتمبر په پیل کې د چین په تیانجین ښار کې جوړه شي.
د يادونې وړ ده چې سرګي لاوروف زیاته کړې، د چین د “یوه کمربند، یوه لار” نوښت، چې افغانستان هم پکې شامل دی، د دې غونډې له مهمو بحثونو څخه و.
