ڪابل (کوه نور، ۱۷ لیندۍ ۱۴۰۴): آی ایم اف "نړۍوال وجهي صندوق" اعلان کړی، چې د پاکستان له حکومت سره څه باندې یو ملیارد ډالر مرسته کوي
د نړۍوال وجهي صندوق "آی ایم ایف" د اجراییوي بورډ غونډه نن ترسره کېږي، چې پکې به پاکستان ته د ۱.۲ میلیارده ډالرو د مالي مرستې نوې قسط منظور شي.
جیوز نیوز راپور ورکړی، چې په دې مرسته کې یو میلیارده ډالر د نړۍوال وجهي صندوق د اوږدمهاله پورونو د سهولت لاندې ورکول کېږي او ۲۰۰ میلیونه ډالر د طبیعي آفتونو پر وړاندې د مبارزې وړتیا او د دوامدار پرمختګ لپاره ورکول کېږي.
راپو کې راغلي، آی ایم ایف له پاکستانه غوښتنه کړې وه، چې د غونډې له وړاندې دې د فساد او حکومتولۍ په اړه خپله ارزونه خپره کړي.
د یادونې وړ ده، چې د آی ایم ایف او پاکستان ترمنځ د اکتوبر په میاشت کې د سټاف کچې تړون شوی و، چې دا خبرې اترې د سپټمبر له ۲۴مې د اکتوبر تر اتمې نېټې پورې په کراچۍ، اسلاماباد او واشنګټن کې ترسره شوې وې.
