ڪابل ( ڪوه نور، ۲۸ لیندۍ ۱۴۰۴): د اروپايي ټولنې چارواکو د سه شنبې په ورځ ویلي، چې د یو پلان له مخې به اوکراین ته د روسیې له کنګل شویو شتمنیو څخه ۹۰ میلیارد یورو پور ورکړل شي.
د جرمني د پارلمان مشر فریدریش مرز ویلي، دا مرسته به د اوکراین پوځ ته د لږ تر لږه دوه نورو کلونو لپاره تمویل برابر کړي او دا کار به د روسي ولسمشر ولادیمیر پوتین ته یو "واضح پیغام" ولېږي.
مرز زیاتوي، د بلجیم اندېښنې جدي دي او هڅه کوي له نورو شریکانو سره یو حل پیدا کړي.
د دې پروژې له مخې، به اروپایې ټولنه د Euroclear له لارې پور ورکړي، چې بېرته به هغه وخت تادیه شي کله، چې روسیه اوکراین ته تاوان ورکړي.
د اروپايي ټولنې چارواکو ویلي، د تاوان پر بنسټ پور یوازینی عملي حل دی، ځکه د بودیجې له لارې مرسته اجماع غواړي؛ خو د پور دغه نوې طرحه یوازې اکثریت ته اړتیا لري.
اروپايي ټولنې تېره اوونۍ د بېړنیو صلاحیتونو له لارې د روسیې ۲۱۰ میلیارد یورو شتمنۍ کنګل کړې؛ ترڅو مخنیوی وکړي چې کوم هېواد یې د بندیزونو نوي کېدل رد کوي.
باید وویل شي، چې روسیې د اروپایې ټولنې دا کړنه غلا بللې او د غچ اخیستلو ګواښ یې کړی دی.
