کابل (کوه نور، ۲ سنبله ۱۴۰۴):
د اسرایلي ځواکونو په هوایې بریدونو کې د یمن پلازمېنه صنعا او د ولسمشر ماڼۍ تر څنک سیمه په نښه شوې ده
د راپورونو په اساس، دا بریدونه د یمن پلازمېنې صنعا کې د ګڼو سیمو په ګډون د برېښنا پر یوه فابریکه او د تېلو پر پمپ ترسره شوې دي.
اسوشیټیډ پرېس خبري اژانس ويلي، دې برید کې د تېلو کمپنۍ په نښه کېدو کې دوه تنه وژل شوي او پنځه نور ټپیان شوي دي.
دې اژانس د یمن پلازمينې د اوسېدونکو له قوله ویلي، د ولسمشرۍ ماڼۍ او د یوې تړل شوې پوځي اکاډمۍ ترڅنګ یې د درنو بمونو غږونه اورېدلې دي.
په همدې حال کې د اسرایلو پوځ ویلي، دوی د عصر او حِزاز د برېښنا فابریکې په نښه کړې چې دوی یې د پوځي فعالیتونو لپاره مهمې سرچینې بولې.
په ټولنیزو رسنیو کې په خپرو شویو ویډیوګانو کې هم لیدل کېږي د برید سیمه کې د اور سترې لمبې راپورته شوې دي.
