ڪابل (کوه نور ۲۵ لیندۍ ۱۴۰۴): د اسپانیا پولیسو ویلي، یوه جنایي ډله یې نیولې، چې د هیلیکوپټرو له لارې یې له مراکش څخه اسپانیا ته چرس قاچاقول.
دا عملیات د هوا له لارې د نشه یې موادو د قاچاق پر ضد یوه نادره هڅه بلل شوې ده.
د پولیسو پر وینا، دغه هیلیکوپترونو له ۵۰۰ تر ۹۰۰ کیلوګرامه پورې نشه یې توکو "چرسو" د لیږدولو وړتیا درلوده.
د سرچینې د مالوماتو پر اساس، قاچاق شوي چرس به د اسپانیا په جنوب کې په کلیوالو ځایونو او ګودامونو کې ساتل کېدل او وروسته به د سړک له لارې نورو اروپایي هېوادونو ته انتقالېدل.
پولیسو د عملیاتو پر مهال یو هیلیکوپټر، ۱۴۴۸ پونډه چرس، پنځه ډول وسلې، نغدې پیسې او یو شمېر وسایط نیولي.
باید وویل شي، چې دا عملیات د مالاګا، المریا او مورسيه په ولایتونو کې ترسره شوي دي.
