د الجزایر په پلازمېنه الجزیره کې د نړۍ درېیم ستر جومات پرانېستل شوی دی.
د راپورونو له مخې، د دې جومات منار ۲۶۵ متره لوړوالی لري چې په نړۍ کې تر ټولو لوړ منار دی.
د الجزایر چارواکو ویلي، د دې جومات پر رغولو ۸۹۸ میلیونه ډالره لګښت راغلی دی.
د مالوماتو له مخې، په دې جومات کې په یو وخت کې ۱۲۰ زره لمونځ کوونکي ځایدلی شي.
په دې جومات کې د شمالي افریقا او عربي نړۍ له ډیزاینونو څخه کار اخیستل شوی دی.
همدارنګه د هیلکوپترې کښېناستلو او پرواز کولو لپاره ځانګړی ځای لري او په کتابتون کې یې تر ۱ ملیون پورې کتابونه ځایدلی شي.
د جامع الجزایر په نامه د دې جومات چارې په ۲۰۱۰ کال کې پیل شوې وې چې ټاکل شوې وه په ۲۰۱۹ کې بشپړې شي؛ خو د سیاسي ګډوډیو له کبله وځنډېدې.
