د امريکا بهرنیو چارو وزارت په يوه خبر پاڼه کې له خپلو وګړو غوښتي چې له سوريې ووځي.
د خبر پاڼه کې ليکل شوي، امريکايي وګړي دې له سوداګريزو الوتنو څخه په ګټې اخيستنې سوريه پريږدي.
ياد وزارت په سوریه کې روان حالت بې ثباته او نه اټکل کېدونکی بللی دی.
په همدې حال کې کاناډا او ځينو نورو عربي هېوادنو هم له خپلو وګړو ورته غوښتنه کړې ده.
دغه غوښتنه داسې مهال کيږي چې د سوريې څلور ښارونه د تحرير الشام لاس ته ورغلي او جګړه د سوريې پلازمینې دمشق ته نږدې حمص ښار ته رسېدلې ده.
هاخوا بیا ایران هم له سوريې خپل سفارتي مامورين او جګ پوړي نظامي چارواکي اېستلي دي.
د يادونې وړ ده چې د سوريې د ولسمشر کورنۍ هم خپل هېواد پريښی او روسيې ته تللي دي.
