ڪابل (کوه نور، ۱۱ جدي ۱۴۰۴): د امریکا جنوبي قوماندانۍ ویلي، امریکايي پوځ د نشه یې موادو قاچاقوونکو کښتيو باندې تازه بریدونه کړي، چې په ترڅ کې یې پنځه کسان وژل شوي دي.
د راپور له مخې، دا بریدونه د ډسمبر په ۳۱مه د "Operation Southern Spear" د عملیاتو په لړ کې شوي، چې د امریکا د جګړې وزیر پېټ هیګیسټ یې امر ورکړی و.
استخباراتي معلومات ښيي، چې دا کښتۍ د هغو لارو پر سر تېرېدې، چې د مخدره موادو د قاچاق لپاره مشهورې دي او د موادو د انتقال برخه وې.
د سرچینې د مالوماتو پر اساس، په یوه کښتۍ کې درې او په دویمه کښتۍ کې دوه کسان وژل شوي دي.
په همدې حال کې واشنګټن پر کاراکاس تور لګوي، چې د مخدره موادو پر وړاندې جدي مبارزه نه کوي.
د نیویارک ټایمز د راپور له مخې، د امریکا ولسمشر ډونالډ ټرمپ یو پټ امر لاسلیک کړی و، چې پر بنسټ یې لاطینه امریکا د موادو قاچاقبرانو پر ضد نظامي ځواک کاروي.
د راپورونو پر اساس، تېرو میاشتو کې د امریکا پوځ د "موادو ضد مبارزې" تر نوم لاندې د لاطینه امریکا په سواحلو کې شاوخوا ۳۰ کښتۍ له منځه وړي او له ۱۰۰ ډېر کسان یې وژلي دي.
په همدې حال کې د کولمبیا ولسمشر ګوستاوو پېترو ویلي، د یوې حملې پر مهال د امریکا ځواکونو یو عادي کب نیونکی وژلی؛ نه قاچاقبر.
