خبرياله: نازو عمري
امریکا د غزې د ورانې سیمې د بیا ودانولو لپاره خپل پلان اعلان کړ.
دا پلان ښيي چې د مدیترانې سمندر غاړې په اوږدو کې به لوړپوړې ودانۍ جوړې شي او په رفح سیمه کې به نوې استوګنیزې ښارګوټي رامنځته شي.
د پلان نقشه ښيي؛ چې د دوه اعشاریه یو میلیونه خلکو لپاره به استوګنیزې، صنعتي او کرنیزې سیمې په پړاوونو کې پراخیږي.
د بیا رغونې لومړنۍ پړاو به له رفح پیلېږي او وروسته به شمال ته د غزې ښار پر لور وغځېږي.
په نقشه کې ځانګړې شوې سیمه د “ساحلي ګرځندوی” په نوم ښودل شوې، چې پکې به ۱۸۰ لوړپوړې ودانۍ، صنعتي کمپلکسونه، معلوماتي مرکزونه، پرمختللي فابریکې، پارکونه او ورزشي تاسیسات شامل وي.
د غه راز مصر پولې ته نږدې به نوی سمندري بندر او هوایي ډګر جوړ شي، او د مصر او اسرائیل پولو سره نږدې به درې اړخیزه تګراتګ سیمه وي.
