د امریکایي چارواکو په وینا، دا اقدام په سیمه کې د امریکا د هوايي ځواک تر ټولو ستر تمرکز بلل کېږي چې له ۲۰۰۳ کال کې پر عراق تر یرغل وروسته بېساری دی.
دا په داسې حال کې ده چې په سیمه کې امنیتي ترینګلتیاوې زیاتې شوې او د احتمالي پوځي بدلونونو په اړه اندېښنې هم مخ په ډېرېدو دي.
په همدې حال کې تېره ورځ امریکا مرستیال ولسمشر جي ډې وینس هم د امریکا او ایران ترمنځ په خبرو کې پرمختګ تائید کړی و او زیاته کړې وه چې د امریکا ولسمشر ډونالډ ټرمپ له ایران سره د شخړې حل غواړې؛ خو که ډیپلوماسې بریالۍ نشوه، نور انتخابونه هم لري.
