خبریال: فرمان الله زبیرزی
د امریکا متحده ایالاتو د جنګ وزرات خبر ورکړی، چې له تایوان سره د ۱۱.۱ میلیاردو ډالرو په ارزښت د وسلو د پلور معامله ترسره کوي.
د امریکا د دفاعي همکاریو ادارې ویلي، له تایوان سره د وسلو په دې معامله کې د «هارپون» توغندیو د مهماتو سیستمونه او د «جاولین» توغندي شامل دي.
د تایوان د ولسمشرۍ دفترویلي، موږ له متحده ایالاتو څخه د وسلو د دې معاملې د منظورۍ په خاطر مننه کوو، چې تایوان سره په دې سخت وخت کې ولاړ دي.
د تایوان د ولسمشرۍ دفتر زیاتوي، د تایوان په تنګي کې سوله او ثبات د نړیوالې ټولنې د امنیت او سوکالۍ لپاره نهجلا کېدونکي ارزښتونه دي.
