د اوکراین د رسنیو په تازه راپورنو کې راغلي، د روسيې پر خاوره د اوکراين تازه بريدونو کې د روسیې کورسک او یو شمېر سیمې اوکرایني ځواکونو نیولي دي.
ورته مهال روسیې د جګړې له سیمو د خپلو ډیر شمېر وګړو د ایستلو اعلان کړی دی.
دغه راز د اوکراین د پوځ قوماندان جنرال اولیکسي سرسکي د چهارشنبې په ورځ ویلي چې اوکرایني پوځیانو د روسیې په کورسک سیمه کې له یو څخه تر دوه کیلومتره وړاندې پرمختګ کړی او تر سلو ډیر روسي عسکر یې نیولي دي.
د اوکراین ولسمشر ولادیمیر زیلینسکي ویلي دي چې نیول شوي روسي سرتیري به له هغو اوکرایني سرتیرو سره تبادله کړي چې د روسیې په زندان کې دي.
زیلینسکي ویلي، کورسک کې د دوی ځواکونو په ښه توګه پرمختگ کړی او اوکراین به خپل ستراتیژیک هدف ترلاسه کړي.
