ايران د روان کال له پيل راهيسې ۸۵ افغانان اعدام کړي

د بشري حقونو سازمان "هنګاو" وايي، ایران له ۲۰۲۵ کال راهیسې تر اوسه ۸۵ افغان بندیان اعدام کړي دي.  
یاد سازمان زیاتوي، چې تازه پېښه کې د بسم‌الله تاجک په نوم یو افغان د بندر عباس په زندان کې د نشه‌يي توکو د قاچاق په تور اعدام شوی دی.  
ياد سازمان دغه راز زیاتوي چې، ډېری اعدام شوي افغانان د مخدره موادو قاچاق یا عمدي قتل په قضیو کې نیول شوي وو.  
په ٢٠٢٤ کال کې هم ۸۰ افغانان په ایران کې اعدام شوي وو.  
د بشري حقونو سازمانونو په وار وار  له ایرانه غوښتي، چې د اعدام سزاوې ختمې کړي؛  او په خپل عدلي قضایي نظام کې اصلاحات راولي.