رويټرز د يوه لوړ پوړي ايراني چارواکي له قوله راپور ورکړی، چې ايران پر خپل هېواد بريد په «ټوله معنا» جګړه بولي او ورته وخت کې يې د سخت ځواب ورکولو خبره کړې ده.
سرچينې ليکلي، دغه څرګندونې په داسې حال کې کيږي، چې د امريکا لويې پوځي بېړۍ منځني ختيځ ته د رسېدو په حال کې دي او همدې حال کې بیا د ايران پوځ د يوې لويې جګړې لپاره تياری نيسي.
دغه ايراني چارواکي ويلي، بريد که هر ډول وي؛ خو چې د ايران پر وړانډې طرحه شوی وي، په ټوله معنا جګړه ده.
همدې حال کې ټرمپ هم ويلي وو، د ايران په طرف يې جنګي بېړۍ روانې کړي، خو هيله يې څرګنده کړې چې اړ نه شي، ترڅو استفاده ترې وکړي.
هاخوا بیا د ترکيې د بهرنيو چارو وزير هم ويلي، معلومات یې ښيي چې ښايي اسرا... يو ځل بيا پر ایران بريد وکړي.
د يادونې وړ ده، چې ايران ويلي، که امريکا پرې بريد وکړي؛ نو سیمه کې به يې ټولې اډې اور لاندې ونيسي.
