اېسنا خبري اژانس د ايران د بهرنيو چارو د وزير سید عباس عراقچي له قوله لیکلي، چې ايران چمتو دی، څو له هرمز تنګي د جاپان د کښتيو د تېريدو په برخه کې همکاري وکړي.
وړاندې ليکلي شوي، دغه همکاري په هغه
صورت کې کيږي، چې جاپان هم له ايران سره لازمه همغږي او همکاري وکړي.
سرچینې زیاتوي، ايران هرمز تنګي په مکمل ډول نه؛ بلکې يوازې د خپلو مخالفينو د کښتيو پر مخ تړلی دی.
څو ورځې وړاندې بیا ایراني رسنیو ويلي وو، چې دغه تنګی د هندي بېړیو لپاره هم پرانستی دی.
دا په داسې حال کې ده، چې د امريکا د ماليې وزارت نن د ايران د نفتو د پلور لپاره بنديزونه د ۳۰ ورځو لپاره لغوه اعلان کړل.
دغه وزارت د ياد اقدام لامل نړۍ کې د نفتو بیو لوړېدل ياد کړي دي.
