ایراني رسنیو خبر ورکړی، چې ملګرو ملتونو کې د دغه هېواد دایمي استازي امیر سعید ایرواني، د سیمې له هېوادونو ایران کې د ورستیو جګړو له امله د رامنځته شویو زیاونونو د تاوان غوښتنه کړې ده.
سرچینې لیکلي، د تاوان غوښتنه له بحرین، متحده عرب امارات او اردن څخه شوې ده.
ایرواني زیاته کړې، یادو هېوادونو د نړیوالو قوانینو خلاف، خپل مسولیتونه تر پښو لاندې کړي؛ نو له همدې امله باید ایران ته د اوښتو زیانونو تاوان ورکړي.
یادو هېوادونو تراوسه په دې اړه څه نه دي ویلي. هاخوا بیا د ایران د عدلي طب مشر ویلي، یادو بریدونو کې له درې زرو ډېر ملکي وګړي هم وژل شوي دي.
د یادونې ده، چې د امریکا او اسرایلو په ګډو بریدونو کې په دغه هېواد کې شاوخوا سل زره ملکي ودانۍ په بشپړ او نیمه بشپړ ډول ویجاړې شوې.
