د نړۍوالو رسنیو د راپورونو له مخې امریکایې میلیاردر او د پخواني ټوېټر او اوسني اېکس او ټسلا کمپنۍ مشر ایلن ماسک خبر ورکړی چې د ډونالډ ټرمپ له حکومت سره رسمې دندې ته د پای ټکی ایښی دی.
ماسک پخپله اېکس پاڼه د امریکا له ولسمشر ډونالډ ټرمپ څخه مننه کړې او ویلي یې دي چې نوره يې د امریکا د دولت د یوه رسمي کارکوونکي په توګه دنده پای ته رسېدلې ده.
رویټرز خبري اژانس ته د سپینې ماڼۍ یوه چارواکي د ماسک د وتلو خبره تایئد کړې او ویلي یې دي چې نوموړي د یاد هېواد پر وخت نن پنج شنبه د شپې د وتلو بهیر پیل کړی دی.
رویټرز د خپلې یوې باوري سرچینې له قوله لیکلي چې ایلن ماسک د وتلو پر مهال له ولسمشر ډونالډ ټرمپ سره نه دې کتلي او دا پرېکړه د یو شمېر نورو لوړ پوړو چارواکو په کچه شوې ده.
د یادونې وړ ده چې امریکایې میلیاردر ایلن ماسک د امریکایې حکومت د مؤثریت برخې مشر و.
