د فرانسې ولسمشر ایمانویل مکرون د اروپا په انتخاباتو کې له ماتې سره د مخامخ کېدو وروسته د یکشنبې په ورځ ملي شورا منحل او د جون په ۳۰مه یې د مقننه قوې د انتخاباتو غوښتنه کړې ده.
مکرون په ایلیسی ماڼۍ کې د وینا پر مهال ویلي، د رایو له لارې به د پارلماني راتلونکې انتخاب ترسره شي.
هغه زياته کړه، د رايو ورکولو دوه پړاوونه به د جون په ۳۰مه او د جولای په ۷مه ترسره شي.
نوموړي ویلي، د ملتپالو راپورته کېدل د فرانسې او اروپا لپاره خطر دی.
د فرانسې ولسمشر مکرون وروسته له هغه د دغه هېواد پارلمان منحل کړ او د نویو ټاکنو غوښتنه یې کړي چې د لیپین ښي اړخي ګوند د اروپا په ټاکنو کې د هغه ګوند ته ماتې ورکړه.
