برازيلي چارواکو اعلان کړی چې د دغه هېواد ځواکونو د جانيرو په ښار کې د نشهيي توکو د قاچاق کوونکو پر يوې ډلې بريد کړی چې پکې لږ تر لږه ۱۳۲ تنه وژل شوې دي.
چارواکو ويلي، دا د برازيل په تاريخ کې تر ټولو خونړي عمليات بلل شوې دي.
رويټرز خبر ورکړی چې دغه عمليات د «کومانډو ورمهلو» په نوم د نشهيي توکو د قاچاق وړونکو پر يوې ډلې شوي چې د لسګونه کسانو مړي د سيمې د اوسېدونکو له لوري له ځنګلونو را ایستل شوې دي.
همدې حال کې بيا پوليسو ويلي، وژل شوي کسان ټول قاچاق وړونکي وو او په عملياتو کې ملکي کسانو ته مرګ ژوبله نهده اوښتې.
ورته مهال بيا د دغه هېواد چارواکو ويلي، دغه عملياتو کې څلور پولیس هم وژل شوي دي.
دا په داسې حال کې ده چې څو ورځې وروسته په همدې ښار کې د ملګرو ملتونو د اقليم نړيواله غونډه او د ښاروالانو غونډه چې پکې د برېتانيا ولیعهد شهزاده ویلیام هم ګډون کوو، دغه عمليات شوي دي.
