کابل (کوه نور، ۲۵ عقرب ۱۴۰۴): د برېټانیا حکومت د شنبې په ورځ ویلي، چې یاد هېواد کې د پنا غوښتنې ملاتړ کموي او یاد هېواد کې به د پنا غوښتنې په تړاو نور فرصتونه هم محدود کړي.
د برېټانیا حکومت د چارواکو پر وینا، دا نوی طرحه د ناقانونه مهاجرت د کمولو او د افراطي ښي اړخو ډلو د مخنیوي لپاره جوړه شوې ده.
د یاد هېواد د کورنیو چارو وزیرې شبانه محمود، په یوه اعلامیه کې ویلي، چې د د پناه غوښتونکو لپاره به د بریتانیا طلایي ټکټ ته د پای ټکی کېږدي.
د حکومت له قوله، دا مهال هغه کسان، چې د پنا غوښتلو حیثیت ترلاسه کوي، دا موقف یې پنځه کاله وي، وروسته کولای شي دایمي استوګنې او بالاخره د تابعیت غوښتنه وکړي.
همداراز د حکومت په دې نوي پلان کې راغلي، هغه پناه غوښتونکي، چې هېوادونه یې خوندي وپېژندل شي، بېرته به خپلو هېوادونو ته واستول شي.
د برېټانیا د کورنیو چارو وزارت هم ویلي، هغه پناه غوښتونکي چې دې هېواد کې پنا ترلاسه کوي، باید ۲۰ کاله انتظار وباسي؛ تر څو د اوږدمهاله اقامت لپاره درخواست ورکړي؛ په داسې حال کې، چې اوسنۍ موده یوازې پنځه کاله ده.
راپورونه ښيي، چې په ۲۰۲۵ کال کې شاوخوا ۱۱۱ زره د پناه غوښتنې درخواستونه ثبت شوي، چې بېسابقه شمېرل کېږي.
همداراز، د حکومت هغه قانوني مکلفیت، چې د ۲۰۰۵ کال راهیسې د پناه غوښتونکو ملاتړ ته وضع شوی و، لغوه کېږي.
