د برېتانیا دفاع وزير جان هيلي ويلي، هېواد يې اوکراين کې د امريکايي وسلو د تامين په موخه له دغه هېواد سره ۱۵۰ ميليونه پونډه مرسته کوي.
رويټرز ليکلي، دغه مرستې د اوکراين د لومړیتوبونو څخه شمېرل کيږي.
سرچینې ليکلي، دغه مرستې به وکولای شي، چې اوکراين ته د امريکا نظامي مرستې دوام وکړي، په داسې حال کې چې امريکا د اوس لپاره پر اوکراين نظامي مرستې بندې کړې دي.
راپور کې راغلي، بریتانیا چمتوالی ښودلی، چې اوکراين ته هغه هوايي دفاعي سيستمونه هم برابر کړي، چې د روسيې د بريدونو پر وړاندې ورته اړتيا لري.
د دغه مرستو خبر داسې مهال ورکول کيږي، چې امريکا د روسيې او اوکراين ترمنځ په خپل کوربه توب د مذاکراتو وړاندیز کړی دی.
