کابل (کوه نور، ۳ سنبله ۱۴۰۴):
د برېټانیا د کورنیو چارو وزیر ایویت کوپر ویلي، د هغو پناه غوښتونکو د وېستلو بهیر ګړندی کوي، چې یاد هېواد کې یې پنا غوښتنې رد شوې دي.
د جرمني خبري اژانس "ډي پې اې" د کوپر له قوله خبر ورکړی چې د پنا غوښتونکو د قضیو د بیا ارزونې سیستم ورته له پخوانه پاتې او ده ته د منلو وړ نه دی.
یو شمېر برېټانوي چارواکو هم ویلي، هغه ډله پنا غوښتونکي چې پنا غوښتنې یې رد شوي؛ د دوی په هوټلونو کې استوګن دي او د لګښت بیه یې د دې هېواد مالیه ورکونکي ورکوي.
خبر کې راغلي، د پنا غوښتونکو د ویستلو بهیر کې چټکوالی راوړل د برېټانیا هېواد د پام وړ فشارونه ښیې.
د یادونې وړ ده چې برېټانیا کې دا مهال د افغان پنا غوښتونکو په ګډون نږدې ۵۱ زره کسان ژوند کوي، چې د پنا اخېستلو لومړنۍ غوښتنې یې رد شوي.
