د بریټانیا حکومت اعلان کړی، چې له خپلو اروپایي متحدینو سره په ګډه دا ارزوي، چې د قطبي سیمې د امنیت د پیاوړتیا لپاره گرینلند ته د پوځي ځواکونو د استولو امکان شته.
د "ټلګراف" ورځپاڼې تېره شپه شنبه، د جنورۍ ۱۰مه، راپور ورکړی، چې دا خبرې د امریکا د ولسمشر ډونالډ ټرمپ د امنیتي اندېښنو د راکمولو او د گرینلند په اړه د شخړو د ډېرېدو د مخنیوي په موخه روانې دي.
راپور زیاتوي، د ناټو پوځي قوماندانان د یوه احتمالي ماموریت لپاره پلانونه جوړوي او د بریټانیا چارواکو له آلمان، فرانسې او نورو اروپایي هېوادونو سره هم وروستیو ورځو کې لیدنې کړې دي.
دا خبرې داسې مهال کېږي، چې ولسمشر ټرمپ مخکې له دې څو ځله له گرینلند سره خپله دلچسپي ښکاره کړې او له دې کبله حتی یې ګواښونه هم کړي وو.
