د کډوالو ستونزو ته د رسېدنې عالي کمېسیون خبر ورکړی، چې تېره ورځ هېواد ته له ګاونډیو هېوادونو یو زر او ۴۲ کورنۍ، چې پنځه زره او ۵۱۳ تنه کیږي، له بېلابېلو لارو هېواد ته راستانه شوي دي.
سرچینې لیکلي، د یادو کډوالو له ډلې، ۹۱۵ کورنۍ د تورخم له لارې، ۷۴ کورنۍ د ورېښمو پله له لارې، ۳۷ کورنۍ د سپین بولدک له لارې، ۱۳ کورنۍ د اسلام کلا بندر له لارې او درې کورنۍ د بهرامچې له لارې هېواد ته راغلي دي.
یاد کمېسیون لیکلي، چې له کډوالو سره یې د اړتیا وړ مرستې هم کړې دي.
د یادونې ده، چې له ګاونډیو هېوادنو د کډوالو د اېستلو لړۍ لا هم دوام لري او هره ورځ لسګونه کورنۍ هېواد ته په جبري او خپله خوښه هېواد ته راستنیږي.
