د نړۍوالو رسنیو په راپورونو کې راغلي چې د جرمني لومړي وزیر فریدریش میرټز په کاناډا کې د G7 هېوادونو په غونډه کې د اسرا... لخوا پر ایران بریدونه ستایلي او له اسرا...یلو یې خپل ملاتړ اعلان کړی دی.
میرټز په یاده غونډه کې ویلي که چېرته ایران اټومي خبرو اترو ته راستون نه شي نو ممکن په اجنډا کې یې د ایران د اټومي وسلو په بشپړه توګه ویجاړول شامل وي.
نوموړي ویلي اسرا... په یواځې ځان د فورډو په څېر د ژورو تاسیساتو د له منځه وړلو وړتیا نه لري خو متحده ایالات د GBU-57 بنکر ماتوونکو بمونو پرمټ دا کار ترسره کولی شي.
رویټرز خبري اژانس د میرټز له قوله ویلي چې د اسرا..یلو د وروستیو بریدونو له امله د ایران رهبرې سخته کمزورې شوې او د یاد هېواد راتلونکی یې له نا مالوم برخلیک سره مخ کړی دی.
فریدیرش میرټز یوه میاشت وړاندې د جرمني د لومړي وزیر په توګه ټاکل شوی او پرون ورځ "سه شنبه، د جون ۱۷مه" یې د جرمني له ZDF شبکې سره په یوه ډېره جنجالي مرکه کې د اسرا...یلو بریدونه یو ناپاک کار بللی دی.
هغه د اسرا...یلي پوځ او حکومت زړورتیا ساتلې او ویې ویل چې دې ځواکونو د ایران رژیم په نښه کړی چې د حماس او حزب الله ډلو ملاتړ یې کاوه.
