د جرمني د کورنیو چارو وزارت اعلان کړی، چې له پاکستان یې ۳۲ افغان کډوال، چې په جرمني کې یې د کډوالو قضیې لرلې، په يوه چارتر الوتکه کې جرمني ته لېږدولي دي.
دويچهويله په يوه راپور کې د جرمني د کورنیو چارو وزارت د يوه وياند له قوله ليکلي، جرمني به د هغه افغانانو لېږدولو ته چې په دغه هېواد کې يې د کډوالي غوښتنې منل شوي، دوام ورکړي.
که څه هم جرمني په ۲۰۲۵ کال په می میاشت کې دغه پروګرام ځنډولی وو، خو د همدې کال په ورستیو مياشتو کې یې يو ځل بیا هغه کسان بېرته جرمني ته ولېږدول چې له اوږدې مودې راهيسې جرمني ته د تګ په تمه وو.
همدې حال کې بیا دغه هېواد له پاکستان غوښتي وو، هغه کسان چې دغه هېواد کې جرمني ته د تګ په موخه افغانان له د پاکستان ويزې نلري، ونه شړي.
د يادونې ده، چې جرمني ته په تلونکو افغانانو کې يې ډیری د بشري حقونو فعالان او خبريالان شامل دي.
