د پښتونخوا په جنوبي وزیرستان کې د پاکستاني پوځ او وسله والو ترمنځ نښتې روانې دي، چې دواړو لورویو ته په کې مرګژوبله اوښتې.
له سیمې څخه باخبره سرچینو کوهنور ته ویلي، چې په دې نښتو کې لس وسلهوالو او شپږ پوځیانو ته مرګژوبله اوښتې ده.
د سرچینو د معلوماتو له مخې دا نښتې په سیمه کې د وسلهوالو پر ضد د عملیاتو له امله رامنځته شوې دي.
بل لورته راپورونه وايي، چې د پاکستاني پوځیانو د بریدونو له امله د ښځو او ماشومانو په شمول نهه عام کسان هم سخت ټپیان شوي دي.
ویل کېږي، چې اوس مهال هلته مخابراتي شبکې پرې شوې او خلک د بریدونو له وېرې له خپلو کورنو هم نشي وتلی.
تر اوسه د پاکستان پوځ په دې اړه څه نه دي ویلي.
