خبریال: صابر احمدزی
د سوريې په حلب ښار کې د وسله والو ډلو د نښتو له امله نهه تنه وژل شوي دي.
دغه نښتې وروسته له هغې رامنځته شوې، چې د سوريې له ملي پوځ سره د کرد ځواکونو د يو ځاې کېدو خبرې ناکامې شوې.
راپورونه زياتوي، د دغه نښتو له امله د سيمې اوسېدونکي خوندي ځايونو ته تللي.
همدې حال کې بیا د قسد مليشو په يوه اعلاميه کې ويلي، له حلب ښار يې شاتګ کړی او اوسمهال هلته نظامي حضور نلري.
دوی ويلي، حلب کې يې د امنيت چارې د سوريې حکومتي ځواکونو ته سپارلي دي.
دا په داسې حال کې ده چې د جولاني له واکمني سره سم په دغه هېواد کې د پوځ او ځايي ملېشو او ځينو سيمو کې د وسله والو ډلو ترمنځ نښتې پيل شوي دي.
