د نړۍوالو رسنیو د راپورونو په اساس د اتریش په سوېل ڪې په یوه ښوونځي کې د ډزو کېدلو له امله نهه تنه وژل شوي او ۱۰ نور ټپیان شوي دي.
رویټرز خبري اژانس راپور ورکړی چې دغه پېښه پرون سه شنبه د اتریش په ګراتس ښار کې رامنځته شوې ده چې ۱۹ تنو ته پکې مرګ ژوبله اوښتې ده.
په راپور کې راغلي چې د یادې پېښې په قربانیانو کې اته تنه زده کوونکي او یو عام وګړی وژل شوي او ۱۰ نور ټپیان شوي دي.
د ګراتس د پولیسو ویاند له رسنیو سره په خبرو کې د سیمې د کنټرول خبر ورکړی او ویېلي دي چې د سیمې حالت بیرته عادي شوی دی.
کرونن تسایتونګ ځایې ورځپاڼې راپور ورکړی چې د پېښې د تورن کس جسد په یوه تشناب کې پیدا شوی دی.
د دغه ورځپاڼې په راپور کې لیکل شوی چې اتریش د اروپایې هېوادونو په منځ کې یو له هغه هېوادونو څخه دی چې د وګړو ترمنځ د وسلو د شتون لوړه کچه لري.
"د کوچنیو وسلو سروې" د څېړنې پروژې د مالوماتو له مخې یاد هېواد کې په منځنۍ توګه په هرو ۱۰۰ کسانو کې ۳۰ یې خپله شخصي وسله لري.
د یادونې ده چې د دغه پېښې د علت او څرنګوالي په اړه لا هم څېړنې دوام لري.
