د نړۍوالو رسنیو د راپورونو په اساس وروسته له هغې چې اسرایلو فلسطین ته د توکو پر لېږد بندیز ولګاوه غزه کې ۷۵ تنو د لوږې له امله خپل ژوند بایللی.
د الجزیرې ټلویزیون د راپور له مخې وروستي وخت کې یوه ماشومه د شنبې په ورځ د غزې د لویدیځ رانتیسي روغتون کې د خوار ځواکۍ له وجې مړه شوې ده.
بل خوا اسرایل ددغې محاصرې موخه په فلسطین کې پر وسله والو فشار راوړل یادوي چې یاد هېواد کې نیول شوي اسرایلیان دې خوشي کړي.
د غزې روغتیایې مسوولانو له نړۍوالو د پولو د بیا پرانیستو او د بندیزونو د ختمولو غوښتنه کړې ده.
د ملګرو ملتونو ادارې هم له اسرایلو غوښتنه کړې چې بندیزونه دي ختم کړي او د غزې د خلکو له قحطۍ سره د مخ کېدو خبرداری یې ورکړی دی.
باید وویل شي چې غزې ته د اسرایلو لخوا د توکو پر لېږد د بندیز لګېدلو دوه میاشتې کېږي.
