کابل (کوه نور، ۲۱ مېزان ۱۴۰۴): د ایران د بهرنیو چارو وزارت ویاند، اسماعیل بقایي د افغانستان او پاکستان ترمنځ د وروستیو نښتو په اړه اندېښنه ښودلې او ویلي یې دي، چې د ګاونډیو هېوادونو امنیت او ثبات د ایران لپاره ډېر اهمیت لري.
د مهر خبري آژانس نن ورځ، راپور ورکړی، چې اسماعیل بقایي د تهران په یوه اونیزه ناسته کې ویلي، چې افغانستان او پاکستان دواړه د ایران مسلمان ګاونډیان دي او هر ډول کړکېچونه تر سرحدونو پورې محدود نه پاتې کېږي؛ بلکې پراخې پایلې لرلای شي.
هغه زیاته کړې، ایران له دواړو خواوو غواړي، چې له تاوتریخوالي ډډه وکړي او د خبرو له لارې خپل اختلافات حل کړي.
دغه څرګندونې په داسې حال کې مطرح شوي، چې په وروستیو ورځو کې د افغان او پاکستاني ځواکونو ترمنځ په سرحدي نښتې سختې شوې دي.
ورته مهال د حکومت ویاند ویاند، ذبیحالله م،جاهد، ویلي چې د دوی ځواکونو په غچ اخیستونکو بریدونو کې ۲۵ پاکستانۍ پوستې نیولي او ۵۸ پاکستاني سرتیري یې وژلي دي.
