کابل (کوه نور، ۵ سنبله ۱۴۰۴):
روسي ځواکونو د پنج شنبې په ورځ د اوکراین د انرژۍ پر زېربناوو د ۲۰۰ توغندیو او ډرونونو په وسیله کړی، چې له امله یې د یو میلیون کورنو برېښنا پرې شوې.
اوکرایني چارواکو ویلي، دا د اوکراین پر برېښنا یې شبکو په لږ تر لږه دوه اونیو کې د روسیې دویم ستر هوایې برید دی، چې اندېښنې یې ډېرې کړې دي.
اوکرایني چارواکو زیاته کړې، کرملین غواړي د ژمي تر رارسېدو د مخه اوکراین کې د برېښنا تولیدي ظرفیت فلج کړي.
د اوکراین دانرژۍ وزیر هیرمان هالوشچینکو پر فسبوک لیکلي، چې د اوکراین د انرژۍ پر تاسیساتو د روسیې بریدونه د ټول هېواد په کچه روان دي.
چینکو ویلي، اوکراین کې بېړني برېښنا پرېکونونه د هېواد په کچه عملي شوي دي.
همدارنګه پر اوکراین د روسیې د بریدونو له امله په خیرسون سیمه کې دوه کروندګر او یوه ۸۱ کلنه ښځه وژل شوې ده.
ورته مهال روسیې ادعا کړې، چې د اوکراین په ډونیڅک سیمه کې یې د یو بل کلي واک هم تر لاسه کړی دی.
د اوکراین ولسمشر ولادي میر زلینسکي د امریکا پر ولسمشر ډونالډ ټرمپ غږ کړی چې د روسیې د بریدونو پر وړاندې دي له سخت دریځه کار واخلي.
د یادونې وړ ده، چې د اوکراین او روسیې ترمنځ د ۲۰۲۲ کال د فبرورۍ میاشتې د جګړې له پیله تر دې دمه لسګونه زره خلک وژل شوي او میلیونونه نور بې کوره شوي دي.
