د ايران د بهرنيو چارو وزير عباس عراقچي نن يکشنبه سوريې ته تللی دی.
نوموړي له سفر وړاندې خبريالانو سره ويلي، سوريې ته يې د سفر موخه سوريې ته د ايران د حکومت پیغام رسول دي.
نوموړي ويلي: «حکومت يې په زغرده له سوريې ملاتړ کوي.
دسوريې د حکومت پر وړاندې جنګېدونکې ډلې او صیهونستي رژيم پر وړاندې هېڅ توپير نه ويني»
عراقچي دغه راز ويلي، سوريه به د تروريستي ډلو خلاف بريالۍ وي.
له ایرن سره روسیه هم د سوریې ملاتړې ده او تېره شپه یې هم سوریه کې د حزب التحرير ګڼ شمېر مرکزونه بمبار کړي دي.
د يادونې ده چې له څو ورځو راهيسې سوريه کې د دغه هېواد مخالفې وسلوالې ډلې حزب التحریر د سوريې حکومت خلاف جنګونه پيل کړي او ډېرې سيمې يې نيولي دي.
