خبرياله: نازو عمري
د ایرنا خبري اژانس راپور ورکړی، چې چې سبا به د ایران او روسیه سمندري ځواکونه د عمان خلیج او هند سمندر په شمالي اوبو کې ګډ پوځي تمرینونه ترسره کړي.
د ایران د سمندري ځواکونو ویاند امیر حسن مقصود ویلي، دغه تمرینونه به په بندرعباس کې وشي، چې موخه یې د سیمې د سمندري امنیت ټینګښت او د دواړو هېوادونو ترمنځ د پوځي ـ بحري همکاریو لا پراختیا ده.
مقصود زیاته کړې چې په دې مانورونو کې به د سمندري ګواښونو پر وړاندې ګډه همغږي، د سوداګریزو او د تېلو لېږدوونکو بېړیو خونديتوب، او له بحري ترهګرۍ سره مبارزه یاده شوې ده.
دا تمرینونه داسې مهال ترسره کېږي، چې څه موده وړاندې د هرمز تنګی په اوبو کې د سپاه پاسداران سمندري ځواکونو ورته پوځي مانورونه کړي وو.
