خبريال: فرمان الله زبيرزی
د ایران دفاع وزیر عزیز نصیرزاده خبرداری ورکړی، چې د امریکا له لوري پر ایران هر ډول برید به د ټولو امریکايي پوځي اډو په نښه کولو سره ځواب شي.
نصیرزاده ویلي، هر هغه هېواد چې سیمه کې واشنګټن ته د خپلې خاورې د کارولو اجازه ورکړي، د جګړې شریک او مشروع هدف د ایران لپاره دی.
نوموړی زیاتوي، د ایران پیغام روښانه دی جګړه به محدوده پاتې نه شي او اور به هر هغه لوري ته ورسېږي چې خپله خاوره د دښمن پر مخ پرانیزي.
نوموړي دا څرګندونې وروسته له هغې کړي، چې ټرمپ د ایران کې لاریون کوونکو ته ویلي، لاریونونه ته دوام ورکړئ، مرسته در رسېږي.
