خبرياله: نازو عمري
نن په ایران کې د اقتصادي بحران پر ضد د راونو لاریونونو یوولسمه ورځ ده. په همدې حال کې د دغه هېواد پارلمان وايي ، چې د امنیتي ځواکونو له خوا پر روغتونونو د ورننوتو او بریدونو موضوع په جدي توګه څېړل کېږي.
د پارلمان د روغتیا کمېسیون یو غړي محمد رسول شیخ زاده ایلنا خبري آژانس ته ویلي، چې دوی به دا وڅېړي چې څنګه امنیتي ځواکونه د ایلام ولایت "امام خمیني روغتون" ته ننوتي او ولې یې د تهران په "سینا روغتون" کې د اوښکې بهوونکي ګاز کارولی دی.
دغو پېښو وروسته له هغه غبرګونونه راپارول چې ،له ایلام ولایت څخه د پراخو مظاهرو ویډیوګانې خپرې شوې چې په کې لیدل کیدل د ایران امنیتي ځواکونو امام خمیني روغتون محاصر کړی دی .
تېره ورځ د بښنې نړیوال سازمان هم دا پېښه دنړيوالو قوانینو ښکاره نقض وباله او ټینکار یې وکړ چې، روغتونونه باید له هرډول بریدونو خوندي وساتل شي.
