د ایران د بندرعباس ښار په (شهید رجایي) بندر کې د چاودنې له امله ۱۸ کسان وژل شوي او د ټپيانو شمېر ۷۸۰ ته رسېدلی دی.
دا چاودنه پرون غرمه مهال د شهید رجايي بندر د تېلو په یو مخزن کې وشوه او د لامل په اړه یې بېلابېلې ادعاوې شوې دي.
د ایراني رسنیو د راپورونو له مخې چې د چاودنې له امله ټپيان شوي کسان د شهید محمدي، سیدالشهدا او خاتمالانبیا په ګډون ګڼو روغتونونو ته وړل شوي دي.
ځینو ایراني دولتي رسنیو د دې چاودنې لامل په بندر کې د تیلو ټانګ بللی، خو د فارس رسنیو یو خبر ویلي چې په څلوېښت درجې تودوخه کې د اوراخیستونکو موادو راټولېدل د دې چاودنې د لامل په توګه یاد کړي دي.
بلخوا «العربیه فارسي» د ځینو ایراني چارواکو په حواله راپور ورکړی چې پېښه په دغه بندر کې د څو ځای پرځای شویو کانتینرونو د ناڅاپي چاودنې له امله شوې ده.
