برېتانيا اعلان کړی چې د دغه هېواد (ټايفون) نومو جنګي جټ الوتکو د ناټو چوکاټ کې پر پولينډ دفاعي ګزمې کړي دي.
د ياد هېواد دفاع وزارت ويلي، دغه ګزمې د دوه الوتکو له لوري وشوې چې نن سهار بېرته انګلستان ته ورسېدې.
د برېتانيا دفاع وزير ويلي، دغه کار يې د روسيې له لوري د پولينډ پر هوايي حريم د تېری په ځواب کې کړی دی.
نوموړي ويلي، هېواد يې چمتو دی چې د ناټو له هوايي حريم څخه دفاع وکړي.
همدې حال کې بيا د ياد هېواد د هوايي ځواک مشر ويلي، ناټو يو موټی ده او چمتو ده چې له خپلو متحدينو سره يو ځای د هوايي ځواک نندارې وړاندې کړي.
همدې حال کې بيا ايستونيا ادعا کړې چې د روسيې درې جنګي الوتکو یې پر هېواد ۱۲ دقيقې ګزمه کړې.
دغه هېواد د روسيې ياده کړنه شرموونکی عمل بللی دی.
ورته مهال بيا د برېتانیا د دفاع وزير پر ايستونيا د روسي الوتکو ګزمه غندلې او دا يې د روسيې درېيمه سرغړونه بللې ده.
تراوسه روسيې په دې اړه څه نهدي ويلي.
