ڪابل (کوه نور، ۱۹ لیندۍ ۱۴۰۴): روسیې او چین جاپان کې د اوکیناوا او میاکو ټاپوګانو ته نږدې یو ګډ هوایي پرواز ترسره کړی؛ ترڅو خپله نظامي وړتیا ښکاره کړي.
د جاپان د دفاع وزارت د سهشنبې په ماښام اعلان کړی، چې د روسیې دوه TU-95 ستراتیژیک بمویشتونکې الوتکې او د چین دوه H-6 بمویشتونکې الوتکې په یوه اوږدمهاله ګډ ماموریت کې د ارام سمندر پر فضا الوتې دي.
د جاپان دفاع وزارت زیاته کړې، چې هممهاله، د روسیې الوتنې په جاپان سمندر کې هم لیدل شوي، چې پکې یوه د خبرداري وړتیا لرونکې A-50 الوتکه او دوه Su-30 جنګي الوتکې شاملې وې.
په همدې حال کې د جاپان د دفاع وزیر، شینجیرو کویزومي ویلي، دا عملیات ښکاره د دې لپاره ترسره شوي چې د یاد هېواد د ځواک ښودنه وشي او دا زموږ د ملي امنیت لپاره یوه جدي اندېښنه ده.
بل پلو د جنوبي کوریا پوځ هم ویلي، چې اووه روسي او دوه چینایي الوتکې د دغه هېواد د هوایي دفاع سیمې ته ننوتې دي.
