د روغتيا نړۍوال سازمان په انسانانو کې د الوتونکو د انفولانزا ناروغي د ډېرېدو خبر ورکوي.
د دغه سازمان کارپوه جرمي فرار ويلي، تراوسه هېڅ ډول د الوتونکو انفولانزا يا «H5N1» له يو انسان څخه بل انسان ته سرايت نه دی کړی.
فرار زياته کړې، دغه ناروغي په دوو کالونو کې له الوتونکو څخه د انسانانو ترمنځ خپره شوه، چې له امله يې په لسګونه ميليونه الوتونکي مړه شول.
روغتيا پالان وايي، د الوتونکو انفولانزا له هغوی سره په مستقيم يا غير مستقيم اړيکه نيولو مقابل شخص ته سرايت کوي.
د ناروغو چرګانو ناسمه پخه شوې غوښه او له هغوی تماس هم په انسانانو کې د يادې ناروغۍ د سرايت لامل کیدلی شي.
