د روسيې بهرنيو چارو وزارت ويلي، د دغه هېواد بهرنیو چارو وزير سرګي لارووف د سعودي عربستان پلازمېنې رياض ته رسېدلی ترڅو له خپل امریکايي سیال سره مذاکرات وکړي.
د راپورنو له مخې، دغه مذاکرات په اوکراین کې د جګړې پای ته رسولو په موخه ترسره کيږي.
په همدې حال کې د امريکا بهرنيو چارو وزير مارکو روبيو هم دغه مذاکراتو ته ورغلی دی.
دغه مذاکرات داسې مهال کيږي چې د اوکراين ولسمشر زيلنسکي ويلي، هغه مذاکرات نه مني چې د اوکراین حضور کې نه وي او نوموړی په همدې موخه متحده عربي اماراتو ته تللی دی.
د يادونې وړ ده چې اروپایي ټولنې هم پر دغو مذاکراتو غبرګون ښودلی او بېړنی غونډه يې کړې ده.
