خبريال: فرمان الله زبيرزی
د سویډن د لومړي وزیر مرستیالې ایبا بوش خبر ورکړی، چې د امریکا د ګرینلینډ تر نېولو وروسته د خپلو معدني سرچینو لپاره د سویډن نیول بل هدف وي.
نوموړې زیاتوي، سویډن فلزات او نادره ځمکني عناصر د عصري ټکنالوژۍ مهمه برخه جوړوي او سویډن په خپله خاوره کې د ۱۷ نادره ځمکنۍ عناصرو څخه اووه لري.
د بوش پر وینا، امریکا ته به دسویډن د واک لاندې راوړل سخته وي او موږ خپله پوهیږو، چې دا سرچینې څنګه مدیریت کړو.
د سرچینې د معلوماتو پر اساس، د سویډن حکومت پلان لري چې د فلزاتو په صنعت کې «ډېر بنسټیزه» ستراتیژي وړاندې کړي، په دې تمرکز کوي، چې د عرضه امنیت او د سویډن خپلواکي پیاوړې کړي.
