د پاکستان د پخواني لومړي وزير عمران خان زامنو ويلي، پلار يې په زندان کې له ناسم روغتايي حالت سره مخ دی او د وروستي ځل لپاره ورسره د دوی خبرې درې اوونۍ وړاندې شوي دي.
دوی ويلي، پاکستاني چارواکي غواړي له دوی کوم څه مهم پټ کړي.
د هغه زوی قاسم خان ويلي، نه پوهيږي چې پلار يې اوس په کوم حالت کې دی، حتی له مرګ او ژوند يې نهدي خبر.
عمران خان د ۲۰۲۳ زيږديز کال له اګست راهيسي بندي دی، چې تراوسه يې د خوشې کېدو کوم څرک نهدی لیدل شوی.
همدې حال کې بیا څو ورځې وړاندې د تحریک انصاف ګوند پلويانو د پاکستان حکومت تورن کړی وو چې عمران خان يې وژلی، خو پاکستان بیا دغه ادعاوې رد کړې.
د یادونې ده چې قاسم خان ويلي، پلار يې د پاکستان ترټولو ښه رهبر دی، نو له همدې امله د پاکستان حکومت وېره لري چې که عمران خان ازاد شي، نو دغه فعلي واکمنانو ته به ستونزې جوړې شي.
